१५ औ एसियाली खेलकुदमा नेपालका लागि पदक जित्ने तेक्वान्दोका खेलाडीहरु
मनिता साही, आयशा शाक्य र दिपक बिष्ट प्रति हामी लाई गर्ब छ र साथै देशको प्रतिष्ठाको
लागि खाडी भुमी दोहामा एसियाली खेलकुदमा खेल्ने सम्पूर्ण नेपाली खेलाडी ए‌व
समाचार संकलन गर्न नेपाल देखि दोहा आउनु भएका पत्रकार र संचारकर्मी प्रति हामी आभारी छौ ।

चिनी शहर ग्‍वाङ्गजाउका मेयर झाङ ग्वाङनिङ १५औं एसियाली खेलकुद समापन
समारोहका दौरान एसियाली ओलम्पिक परिषदको झण्डा फहराउँदै ।
आगामी १६औं एसियाली खेलकुदको आयोजना सन् २०१० मा ग्‍वाङ्गजाउमा हुनेछ ।
(अरु थप फोटोहरु भित्र छ ।)

 
अल सद् रंगशालामा सम्पन्न भएको १५औं एसियाली खेलकुद प्रतियोगिताको फुटबल फाईनलमा ईराक बिरुद्घ
गोल गरेपछी हर्ष मनाउँदै कतारी खेलाडीहरु । बिलाल मोहम्मदले खेलको ६३ मिनेटमा प्रहार गरेको निर्णायक गोलको मद्दतले कतार ईराक बिरुद्द १-० ले बिजयी भएको हो। ।

१५औं एसियाली खेलकुदको आयोजक राष्ट कतारले फुटबल प्रतियोगिताको फाइनल खेलमा इराकलाई १-० ले पराजित गर्दै स्वर्ण पदक जितेको छ । घरेलु दर्शकहरुले भरिएको अल सद् रंगशालामा आज भएको फाइनल खेलमा बिलाल मोहम्मदले ६३औं मिनेटमा निर्णायक गोल गरेपछी कतार एसियाली खेलकुदको इतिहासमा फुटबलको स्वर्ण पदक जित्ने चौथो आयोजक राष्ट्र बनेको हो । यस अघि भारतले सन् १९५१ मा,  इरानले सन् १९७४ तथा दक्षिण कोरियाले सन् १९८६ मा आफ्ना घरेलु मैदानमा खेल्दै एसियाली खेलकुदमा फुटबलको स्वर्ण पदक जितेका थिए ।
फाइनल खेलपछी सम्पन्न एक समारोहबीच कतारका युवराज शेख तामिम बीन हमाद अल-थानीले बिजयी खेलाडीहरुलाई स्वर्ण पदक तथा उप-बिजेता इराकी खेलाडीहरुलाई रजत पदक प्रदान गरिबक्सेको थियो ।
खेलको पाँचौं मिनेटमा जापानी रेफ्री हिरोयोशी ताकायामाले मध्यपंक्तिका खेलाडीलाई पहेंलो कार्ड देखाएपछी सावधानी अपनाउँदै खेल्न थालेको कतारले खेलमा बिस्तारै आफ्नो पकड मजबुत बनाउन सुरु गरेको थियो ।
खेलको आठौं मिनेटमा उनीहरुलाई अग्रता लिने राम्रो अवसर प्राप्त भएको थियो तर दुर्भाग्यवशः स्टाइकर सवास्यिन सोरियाले अलि नासेरको कर्नर प्रहारमा गरेको हेडिङ्ग इराकी गोलरक्षक मोहम्मद खादुमको हातमा लागी गोलपोष्टमा थोक्किन पुग्यो । त्यसपछी फर्केको बल खादुमले तुरुन्त समात्दै कतारलाई गोल गर्नबाट रोकेका थिए ।
त्यसपछी लगातार इराकमाथि एकपक्षीय दवाब सिर्जना गरेको कतारलाई थप मौकाहरु मिलेपनि उनीहरुले त्यसको सदुपयोग गर्न नसकेपछी पूर्वाद्धको खेल गोलरहित टुंगिएको थियो ।
हाफ टाइमपछी आक्रमणको सिलसिला जारी राख्यो र उत्तराद्र्धको १८औं मिनेटमा पाएको कर्नरको सदुपयोग गर्दै कतारले एक गोलको अग्रता लियो । एक पटक फेरी अलि नासेरले कर्नर प्रहार गरे जसलाई हुसेन यासिरले फ्लिक गरी गोलपोष्टतर्फ पुर्याएको बललाई हेड गर्दै बिलालले कतार फुटबल टोलीको नाम एसियाली खेलकुद प्रतियोगिताको पानामा सुनौलो अक्षरले कोरेका थिए ।
यस अघि बिहिबार सम्पन्न कास्य पदकका लागि भएको खेलमा इरानले दक्षिण कोरियालाई थप समयमा गोल गर्दै १-० ले पराजित गरेको थियो ।

१५औं यसियाली खेलकुद प्रतियोगिताको फुटबल फाइनल आज दिउसो ४:०० बजे घरेलु टोली कतार तथा इराकबीच सम्पन्न अल सद् रंगशालामा संचालन हुँदैछ ।
गत मंगलबार भएको सेमिफाइनल खेलमा इराकले तीन पटकका स्वर्ण पदक बिजेता दक्षिण कोरियालाई १-० ले पराजित गरेको थियो भने कतारले इरानसँगको खेलमा २-० ले जित हसिल गरेको थियो ।

(विनोद पाण्डे दोहा, कतार)
करातेका सबै खेलाडीले असफलता भोगेपछि नेपालले १५औं एसियाली खेलकुदमा थप पदक जित्ने सम्भावना समाप्त भएको छ। करातेको अन्तिम दिन नेपाली खेलाडीले कुनै चमत्कार गर्न सकेनन्। दशौं सागका स्वर्णधारी कुशल श्रेष्ठ पनि पहिलो चरणमै बाहिरिए। जोर्डनका अल नागार फादीसँग ९-१ ले पछाडि परेपछि कुशलले निर्धारित समयअगावै रिङ छोड्नुपरेको थियो। ‘एसियाडमा केही गर्छु भनेर आएको हुँ, राम्रै खेँले पनि तर प्रतिद्वन्द्वीको स्तर पनि धेरै राम्रो थियो’ -कुशलले भने। विनोद शाक्य पनि कुमिते ७५ केजीतर्फपहिलो चरणमै इरानका मोदामी भिसाकाइ जासेमसँग ९-० ले पराजित भए। मोदामीले सानबोन (३ अंक) तीन पटक प्रहार गरेपछि शाक्यले १७ सेकेन्डमै घुँडा टेकेका थिए। मोदामी फाइनलमा पुगेकाले प्राप्त प्लेअफमा पनि उनी ताइपेइका हवाङ हु योनसँग ३-१ ले पराजित भए।  यस्तै ८० केजीमुनिमा रामशरण ट्वाँटीलाई कुवेतका अहमद मोहमदले १०-१ को अन्तरले हराए। ‘हामीले माथिका इभेन्ट्समा आशा गरेका थिएनौं, सानो तौलमा हार्नु दुर्भाग्य रहयो’ -नेपाली प्रशिक्षक नारायणदेव राणाले भने। 
उसु र बुद्धिचालमा नेपालले सहभागिताको प्रक्रिया पूरा गर्न खेलिरहेको छ। उसुको पुरुष ताइजिक्वानमा मचारत्न महर्जन १४औं स्थानमा रहे। दशौं सागका रजत पदक विजेता महर्जनले ८.७० अंक मात्र बटुल्न सके। प्रायः सबै इभेन्टमा विश्व च्याम्पियन खेलाडी समावेश रहेका दक्षिण एसियाली खेलाडीको प्रदर्शन उसुमा निकै फिका देखिएको छ। महर्जनभन्दा एक स्थान माथि रहेका श्रीलंकाका मन्नु कुरामा सुजिथले ९ अंक बटुलेका थिए। स्पोर्ट्स सिटीको अस्पायर हलमा भएको पुरुषतर्फै नानछ्वानमा गौतम डंगोल १६औं स्थानमा रहे। उनले ८.६७ अंक बटुले। उनीभन्दा पछाडि किर्गिस्तान र लेबनानका खेलाडी थिए। 
बुद्धिचालतर्फ मंगलबार राति भएको खेलमा नेपाल सिरियासँग पराजित भएको थियो। मिक्स टिमको क्लासिक चेसमा सिरियाले सातौं चरणको खेलबाट २.५ र नेपालले आधा अंक बटुल्यो। सुरवीर लामा र जवान ठाकुरले बराबरी खेलेका थिए। स्विस लिग पद्धतिमा खेलिएको खेलमा विलमलाल श्रेष्ठ सिरियाका अन्तराष्ट्रिय मास्टरसँग तथा मोनालिसा खम्बु मिर महमुद अफामायासँग पराजित भएका थिए। नेपालको कुल ७ अंक छ।

आयोजक कतारी फुटबल टोली

एसियाली फुटबल जगतका दुई शक्तिशाली टोली दक्षिण कोरिया तथा इरान दुबैको १५औ एसियाली खेलकुदमा फुटबल यात्रा सेमिफाइनलमा पराजयकासाथ अन्त भएको छ ।

अल गराफा रंगशालामा भएको संघर्षपूर्ण पहिलो सेमिफाइनल खेलमा इराकले तीन पटकका स्वर्ण पदक बिजेता दक्षिण कोरियालाई १-० ले पराजित गरेको थियो । इराकमा अहिलेको जटिल परिस्थितिका कारण अन्तिम समयमा मात्र यस प्रतियोगितामा भाग लिन उत्रेका इराकी टोलीका सामेर मुजबेरले खेलको २४औं मिनेटमा गरेको निर्णायक गोलको मद्दतले सन् १९८२ का स्वर्ण बिजेता फाइनलमा पुगेको छ ।

त्यसैगरी आयोजक राष्ट्र कतारले पनि प्रतियोगिताको प्रवल दावेदार मानिएको इरानलाई धेरैको अनुमानलाई गलत सावित गर्दै २-० ले पराजित गरेको छ । अल सद् रंगशालामा घरेलु टोलीको समर्थनमा ठूलो संख्यामा उक्रेका दर्शकहरुलाई जिमुलुद्दिन मुसोभिचको टोलीले निरुत्साहित पारेन ।

खेलको पहिलो सिठीदेखि नै आफ्नो दबदबा कायम गरेको कतारले २९औं मिनेटमा चार पटकका स्वर्ण बिजेता इरान विरुद्ध सेबासियन सोरियाको गोलमार्फत खाता खोलेको थियो । त्यसपछी पनि लगातार अक्रमण जारी राखेको कतारलाई पूर्वाद्धमा कमसेकम अरु दुई गोल गर्ने अवसर प्राप्त भएको थियो तर मौको फाइदा उठाउन नसकेपछी उक्त सत्रमा उनीहरुले अग्रता १-० मा सिमित रह्यो । तर आशा बिपरित इरानले उत्तरार्द्धमा पनि आक्रमणमा उक्रन नसकेपछी खेल पूर्णतया कतारको नियन्त्रणमा रहेको थियो । पूर्वाद्धमा गोल गर्ने मौका चुकाए पनि अग्रपंक्तिका खेलाडी हुसेन यासरले खेलको ७४औं मिनेटमा आफ्नो २५ गजको दूरीबाट उत्कृष्ट गोल गर्दै कतारलाई २-० को अग्रता दिलाएका थिए । त्यसपछी इरानको खेलमा फर्किने प्रयासलाई कतारको सुदृढ रंक्षापंक्तिले बिफल बनाएपछी घरेलु टोली प्रतियोगिताको फाइनलमा प्रवेश गर्यो । फाइनल खेल कतार तथा इराकबीच यस एसियाली खेलकुदको अन्तिम दिन शुक्रवार ३:०० बजे अल गराफा रंगशालामा सम्पन्न हुनेछ भने तेस्रो स्थानका लागि दक्षिण कोरिया र इरान सोही रंगशालामा बिहिवार ५:३० बजे खेल्नेछन् ।

१५ औं एसियाली खेलकुदमा पदक जित्ने नेपाली खेलाडीहरुको सम्मानको क्रम प्रतिश्पर्धा गरेको स्थल कतारको दोहाबाटै प्रारम्भ भएको छ ।
एसियामा तेक्वान्दोबाट काश्य दिलाउने तीन खेलाडी मनिता साही, दिपक बिष्ट र आयुषा शाक्यलाई मंगलबार एन आर एन राष्ट्रिय समन्वय परिषद दोहा, कतारले नगद १५ हजार रुपैया सहितले सम्मान गरेको छ ।
सो संस्थाका अध्यक्ष कमलमणि गुरागाँई, एनआरएन अन्तराष्ट्रिय समन्वय समितीका उपाध्यक्ष सागर नेपाल र खेलकुद संयोजक नरेन्द्र भाटले खेलाडीहरुलाई नगद, प्रमाणपत्र र ट्रफी गर्नु भएको थियो । सोहि अवसरमा नेपाली तेक्वान्दो टोलीका कोरियन प्रशिक्षक क्वान होकलाई पनि सम्मान गर्नु भएको थियो । भाटले ब्यत्तिगत रुपमा कुल ४५ हजार रुपैया खेलाडीलाई प्रदान गर्नु भएको थियो । सो अवसरमा एनआरएन राष्ट्रिय समन्वय परिषदले भाटलाई पनि सम्मान गरेको थियो ।
त्यस्तै नेपाल प्रवासी आदीबासी जनजाती संघले पनि पदक बिजेता खेलाडीहरुलाई दोस्ल्ला ओढाई सम्मान गरेका  थिए । कार्यक्रममा संयोजक राजेश दर्शन अर्याल, सह-संयोजक सुरेश राई र नेपाल कतार एकता समाजका अध्यक्ष राजेन्द्र श्रेष्ठले पनि बोल्नु भएको थियो ।

(बिनोद पाण्डे) दोहा, कतार ।
सुलोचना सेमीफाईनल पुगेर रोकिईन् ।
सुलोचना सिजाख्वा पदकको नजीक पुगे पनि १५ औं एसियाली खेलकुदमा मंगलबार नेपालका लागी संतोषपद दिन रहेन । महिला काताको सिङगलको नकआउट चरणको तीन खेल जित्दै सेमीफाईनल पुगेकी सुलोचना त्यसपछि लगातार दुई खेल हार्दा पदक बिहिन हुन पुगेकी थिईन् । (पूर्ण समाचार)

१५औं एसियाली खेलकुदको गल्फ प्रतियोगितामा आफ्नो अघिल्लो दिनको स्थितिमा कुनै सुधार गर्न नसकेपछी नेपाल टोलीलाई १५औं स्थानमा चित्त बुझाउनु पर्यो । चार दिने उक्त प्रतियोगितामा व्यक्तिगत स्पर्धामा ६९ खेलाडी तथा १७ टोली बीच प्रतिस्पर्धा भएको थियो ।
दोहा गल्फ क्लबमा सोमबार सम्पन्न अन्तिम चरणको खेलपछी नेपाली टोलीले कूल ९४३ स्कोर गरेको थियो । जसमा शिवराम श्रेष्ठले आज ६ ओभर पार ७८ मा खेल पूरा गरी व्यक्तिगत स्पर्धा तर्फ कूल १८ ओभर ३०६ को स्कोरमा ४५औं स्थान यलम्बर अधिकारी कूल २१ ओभर ३०९ मा ४९औं स्थान रहेका थिए ।
अर्का दुई नेपाली खेलाडीहरु सी बी भण्डारी कूल ४१ ओभर ३२९ स्कोर तथा टासी घले कूल ५१ ओभर ३३९ लाई क्रमशः ६४औं तथा ६६औं स्थानमा चित्त बुझाउनु पर्यो ।
प्रतियोगिताको टिम स्पर्धा तर्फ दक्षिण कोरियाले आफ्ना निकत्तम प्रतिद्वन्दी भारतलाई १३ स्ट्रोक अगाडि कूल ६२१ स्कोरका साथ स्वर्ण पदक हात पार् यो भने कूल ८५० स्कोर गरेको चाइनिज ताइपेइले जापानभन्दा ३ स्ट्रोक अगाडि रही कास्य पदक हात पार्यो । व्यक्तिगत स्पर्धा तर्फ आज २ अण्डर पार ७० मा खेल सम्पन्न गर्दै कूल १२ अण्डर २७६ स्कोरका दक्षिण कोरियाका किम क्युङ ताइले स्वर्ण पदक हासिल गरे । दक्षिण कोरियाली भन्दा १ स्ट्रोकले मात्र पछी परेका चाइनिज ताइपेइका पान चेन सुङले रजत लिए भने कास्य पदक फिलिपिन्स्का माइकल यरित बिवातले जिते ।

१५औं एसियाली खेलकुदमा नेपालले तेक्वान्दो पछी पदकको दरिलॊ आशा राखेको मार्शल आर्ट्र कराँते खेल आजदेखि कतार स्पोर्टस् क्लबको कभर्ड हलमा आरम्भ हुँदैछ । यस पटक नेपालका ४ पुरुष तथा ४ महिला कराँते खेलाडीहरुले विभिन्न तौल समूहमा प्रतिस्पर्धा गर्नेछन् ।
दुई दिनसम्म संचालन हुने यस प्रतियोगिताको पहिलो दिन मंगलबार सुलोचना सिजख्वा व्यक्तिगत काँतामा प्रतिस्पर्धामा भाग लिनेछिन् भने कृष्णकला केसी तथा अमृता शाक्य महिलो कुमिते तर्फको क्रमशः ४८ तथा ५३केजी तौल समूहमा प्रतिस्पर्धा गर्न मैदानमा उत्रदैछन् ।
आजै हुने पुरुष ५५ तथा ६० केजी तौल समूहको कुमिते तर्फ क्रमशः राम बहादुर लिम्बु तथा दिपक श्रेष्ठ मैदानमा देखा पर्नेछन् ।
नेपाली कराँते टोलीका अन्य खेलाडीहरु कुशल श्रेष्ठ ६५केजी बिनोद शाक्य ८० केजी तथा रामशरण ट्वाटी ८४ केजी को खेल भोली हुनेछ ।

१५औं एसियाली खेलकुदमा पदकको आशा गरिएको अर्को मार्शल आर्ट्र खेल उसुतर्फ सोमबार सम्पन्न प्रतियोगिताको पहिलो दिन नेपाली खेलाडीहरुको प्रदर्शन निराशाजनक रह्यो । पुरुषतर्फको नानक्वान स्पर्धाको पहिलो चरणमा नेपालका बिकास गुरुङ केवल ७।१ अंक बटुली अंक तालिकामा १७औं स्थानमा खस्किन पुगे । उक्त स्पर्धामा चीनका यान सियावोचाव ९।८ अंक प्राप्त गरी पहिलो स्थानमा रहेका छन् भने मकाउका जिया रुइ ९।७ अंक तथा मलेसियाका आङयङ्गि चोङ ९।६५ अंककासाथ क्रमशः दोस्रो र तेस्रो स्थानमा छन् । त्यसैगरी महिलाहरुको छा क्वान स्पर्धामा प्रतिस्पर्धा गर्दै गरेकी भुवन श्रेष्ठको प्रदर्शन पनि फितलो रह्यो । दुई चरणमा सम्पन्न हुने यस प्रतियोगिताको पहिलो दिन उनलाई ८।१२ अंकमै चित्त बुझाउनु पर्यो ।

पुरुषहरुको सानसौ तर्फ प्रतिस्पर्धामा उक्रेका दुबै नेपाली खेलाडीहरु पहिलो चरण मै प्रतियोगिताबाट बाहिरिएका छन् ।

५२ केजी तौल समूहमा राजकुमार रसाइलीले पहिलो खेलमा उत्कृष्ट प्रदर्शन गर्दै मकाउका चाउ चिलाई ५-० ले पराजित गरी उपस्थित नेपाली समर्थकहरुलाई हौसाएका थिए । तर बाँकी दुई खेलमा भने उक्त प्रदर्शन दोहोर्याउन असफल भएपछी उनी ५-० तथा ४-१ ले हारेका थिए । त्यसैगरी ६० केजी तौलमा सत्यमान लामा पहिलो खेलमै उज्बेकिस्तानका प्रतिद्वन्द्वी रुस्तम माग्दियभद्वारा नक-आउट भएका थिए ।

१५औ एसियाली खेलकुद फुटबल प्रतियोगितामा पुरुष तर्फको सेमीफाइनल प्रतियोगिताको पहिलो  खेल दिउसो ४ बजे अल गराफामा दक्षिण कोरिया तथा इराकबीच हुनेछ भने साँझ ७ बजे अलसादमा हुने दोस्रो सेमिफाइनल खेलमा आयोजक राष्ट्र कतार इरानसँग भिड्नेछ ।
गत शुक्रवार सम्पन्न प्रतियोगिताको क्वाटरफाइनल खेलहरुमा कतारले थाइल्याण्डलाई पराजित गरेको थियो भने इरानले चीनलाई हराएको थियो । त्यसैगरी इराकले १९९४ का स्वर्ण पदक बिजेता उज्बेकिस्तानलाई पन्छाएको थियो भने दक्षिण कोरियाले उत्तर कोरियामाथि जित हासिल गरेको थियो ।

भण्डारीको म्याराथनमा नयाँ व्यक्तिगत रिकर्ड
१५औं एसियाली खेलकुदको एथलेटिक्स् प्रतियोगिताको चौथौं दिन आइतवार सम्पन्न म्याराथनमा नेपाली धावक अर्जुन भण्डारीले ११औं स्थान हासिल गरेका छन् । जम्मा १९ धावकहरुले दौड सम्पन्न गरेको सो प्रतिस्पर्धामा भण्डारीले कुनै पदक जित्न नसकेता पनि उनले आफ्नो व्यक्तिगत रेकर्डमा भने व्यापक सुधार गर्न सफल भएका छन् ।(पूर्ण विवरण)

आयशा शाक्य

आजको खेलमा तेक्वान्डो खेलाडी आयशा शाक्यले ५९ केजी तौल महिला समूहमा नेपालका लागी अर्को पदक जितेकी छिन् । वाई पाएर सिधै क्वाटरफाईनल प्रवेश गरेका आयशाले चिनिया खेलाडी फेङ मिङ दोङलाई पराजित गरि सेमीफाईनल पुगेर नेपालका लागी तेक्वान्डोमा अर्को काश्य पदक जितेकी छिन् । सेमीफाईनलमा यीनि भियतनामकी खेलाडी सित पराजित भएकी थिइन् ।

ताईकोन्डो ५९ केजी महिला समुहका स्वर्ण पदक बिजेता दक्षिण कोरियाकी
लुई सुङ्ग हे(बांया बाट दोस्रो), रजत बिजेता भियतनामकी थी होई थु नुगयेन(बांया)
र काश्य बिजेता ताईवानकी तेङ्ग पेई हुवा (दांया) संग बिचमा नेपालकी काश्य पदक
बिजेता आयुशा शाक्य पोज दिदै‌

१५ औ एसियाली खेलकुदको आयोजक कतार, ईरान, ईराक तथ कोरिया फुटबल प्रतियोगिताको सेमीफाईनलमा प्रवेश गरेका छन्।
अल गराफामा सम्पन्न खेलमा यस वर्ष को सर्बोकृस्त एसियाली खेलडी चुनिएक खलफन इब्रहिमको २ उत्कृष्ट गोलको मद्दतले कतार थाईल्याण्ड बिरुद्ध ३ गोलले बिजयी भयो। कतारका लागि तेस्रो गोल अब्दुल्ल कोनि ले गरेका थिए ।
प्रतियोगिताको सेमीफाईनलम आगामी मंगलबार कतारले इरा सँग खेल्ने छ। आजै भएको इरान तथा चीन बिचको क्वाटरफाईनल खेल नियमित ९० मिनेट र थप ३० मिनेटको अवधीमा २-२ को बरबरी पछि इरानले चीनलाई पेनाल्टीमा ८-७ ले हराएको थियो।
त्यसैगरी आजै सम्पन्न अन्य क्वाटरफाईनल खेलहरुमा इराक उज्बेकिस्तान बिरुद्ध २-१ बिजयी भयो भने दक्षिण कोरीयाले अफ्नाचीर प्रतिद्वोन्धी उत्तर कोरियालाई ३-० ले हरायो।

दीपक विष्ट

विनोद पाण्डे (दोहा, कतार) ।
एसियाडको दोहोरो पदकसँगै हौसिएका सदावहार दीपक विष्टले आफनो खेल जीवनलाई निरन्तरता दिने भएका छन् । १५ औं एसियाली खेलकुद पछि दिपकले आफनो स्वर्णिम खेल जिवनलाई पुर्ण विराम लगाउने अनुमान गरिएको थियो । स्वयम उनले पनि दोहा एसियाड आफनो अन्तिम हुन सक्ने संकेत गर्दै आएका थिए । (पूर्ण विबरण)

राम्रो नतिजा हासिल गर्ने लक्ष्य बोकी लगातार दोस्रो एशियाली खेलकद प्रतियोगितामा सहभागिता जनाउन आएको नेपाली गल्फ खेलाडीहरुको दोहामा संचालन भइरहेको १५औं संकरणमा उत्साहजनक प्रदर्शन गर्न सकेका छैनन् । ७१८१ यार्डको दोहा गल्फ क्लबमा व्यक्तिगत स्पर्धामा ६९ खेलाडीहरु तथा १७ टोली बीच भैरहेको प्रतिस्पर्धामा आज शनिवार सम्पन्न दोस्रो दिनको खेल सम्पन्न हुँदासम्म नेपाली टोली कूल ४७० स्कोर लिई १४औं स्थानमा रहेका छन् । (पूर्ण विबरण)

१५औं एशियाली खेलकुद अन्तर्गत आज फुटबल प्रतियोगिताको चारै वटा क्वाटरफाइनल खेलहरु हुन गइरहेका छन् । प्रतियोगिता आयोजकहरुले जारी गरेको विवरण अनुसार आज साँझ ४ बजे समूह चीन साबिकका बिजेता इरानसित अल रय्यान रंगशालामा खेल्नेछन् भने १९९४ का स्वर्ण पदक बिजेता उज्बेकिस्तान र इराक अल गराफा रंगशालामा भिड्ने छन् ।
त्यसैगरी बेलुकी ७ बजे आयोजक राष्ट्र कतार र थाइल्याण्ड अल गराफामा खेल्नेछन् भने सोही समयमा हुने अर्को क्वाटरफाइनलमा दक्षिण कोरिया तथा उत्तर कोरिया प्रतियोगिताको अन्तिम चारमा स्थान बनाउनका लागि लड्नेछन् ।

आज तेक्वाण्डोको ६२ किलो तौल समुहमा नेपालका सन्जीव प्रधान खेल्दै छन् । पहिलो चरणमा वाई पाएका प्रधान दोस्रो चरणमा कुवेतका हानी अल सम्मारीसंग भिड्ने छन् ।

त्यस्तै गल्फको एकल तथा टिम ईभेन्टको दोस्रो चरणको खेल पनि आज हुँदै छ ।

मनिता साही
(निलो जर्सीमा)

हिजो शुक्रबार दोहामा साप्ताहिक विदाको दिन ब्लग अपडेट गर्न नसकेकोमा क्षमा….खेल हेर्न तिर लागियो नेपालले रजतसम्म जित्न सक्छ की भन्ने आशामा । जे भए पनि हिजो सम्म दुई काश्य जितेर नेपाल र नेपालीको शिर उचो राख्ने हाम्रो दुई खेलाडीलाई - दिपक विष्ट तथा मनीता शाहीलाई हार्दिक वधाई !
(पुरा समाचार)

दिपक विष्टले तेक्वान्डोमा नेपालका लागी अर्को काश्य पदक दिलाएका छन् । ७८ केजीको श्रेणीखेलमा दीपक विष्टले प्यालेस्टाइनका अहमद माबराउक र कुवेतका बादर अल इनेजीलाई पराजित गरी नेपालका लागी काश्य पदक दिलाएका छन् ।

मनीता साही

Update : 23.15 भर्खरै प्राप्त समाचार अनुसार मनिता साही सेमिफाईनलमा ताईपेहकी विन लि सु संग पुर्ण प्रतिश्पर्धात्मक खेलमा अंकको आधारमा पराजित हुन पुगेकी छिन् । प्रतिकुल स्वास्थ्य स्यिथीका बाबजुत पनि ६३ के.जी. समूहको महिला तेक्वाण्डो खेलमा मनिता साहीले काश्य पदक प्राप्त गरी नेपालको नाममा प्रथम पदक जितेकी छिन् । खेलका क्रममा घाईते हुनु पुग्नु भएकी मनिताको  स्वास्थ्य लाभको कामनाका साथै नेपालका लागी प्रथम पदक जित्नु भएकोमा हामी दोहावाशीहरुको तर्फ बाट शुभकामना  

 

भर्खरै सम्पन्न भएको ६३ किलो तौलको महिला तेक्वाण्डो खेलमा भुटानकी तान्दीन दिन्दुपलाई ३:२ ले पराजित गरि मनीता शाही सेमिफाईनलमा पुगेकी छिन । अबको केही वेरमा सेमिफाईनलको खेल हुने छ । सेमिफाईनलमा ताईपेकी विन लि सुसंग मनीताको भिडन्त हुने छ ।

दक्षिण एसियाली खेलमा स्वर्ण पदक जितेकी मनीताले भुटानकी दिन्दुपलाई कोलम्बोमा पनि सेमीफाईनलमा हराएकी थिईन ।

आजको खेलमा मनीतालाई फाउल वापत तिन वर्निङ्ग पेनाल्टी दिईएको थियो भने १ अंक पेनाल्टीमा गुमाउनु परेको थियो । विपक्षीलाई एक वेर्निङ्ग पेनाल्टी दिईएको थियो । खेलको दौरान विपक्षीसंग घुंडा जुड्दा मनीताको घुंडामा चोट पुगेको भएतापनि उनी अगाडीको सेमी फाईनलमा खेल्न सक्ने अवस्थामा छिन् ।

खेलकुद परिषद्‌मा सदस्य सचिव जिवनराम श्रेष्ठले सेमीफाईनलको प्रतिद्वण्डी कडा भएतापनि अगाडी बढ्न सक्ने विश्वास व्यक्त गर्नुभयो ।

१५औ एसियाली खेलमा नेपाल रित्तै फर्कनु नपर्ने भएकोछ । आज भएको तेक्वाण्डोको महिला तर्फको ६३ किलो तौल समुहमा मनीता शाही सेमिफाईनलमा प्रवेश गरेकी छिन् । मनीताले भारतका वर्षा वेन्दीलाई १:० ले पराजित गरि अगाडी बढेकी थिईन् भने क्वाटरफाईनलमा  भुटानकी सांगे वाङ्गमोलाई ३:२ ले पराजित गरी सेमिफाईनलमा पुगेकी छिन् ।

अब को केही वेरमा मनीताको सेमिफाईनलमा ताईपेकी विन लि सु संग मुकावला हुँदै छ ।

update 1919: दोस्रो चरणमा भुटानले २ अंक ल्याएको छ भने तेस्रो चरणमा मनीताले पुनः दुई अंक थपेकी छिन । अहिले official result आयो । मनीसा ३:२ ले विजयी भईन् ।

update 1917: मनीता ३:२ ले अगाडी परेकी छिन् ।

update: 1911: फाउल गरे वापत मनीतालाई १ अंक deduction गरिएको छ । अब मनीता १:० ले अगाडी छिन् ।

update 1909: यो खेलमा मनीताले विजय हासिल गरिन् भने सेमिफाईनलमा ताईपेकी विन लि सुसंग खेल्ने छिन् ।

update 1907: पहिलो राउण्डमा दुई अंक लिई मनीता अगाडी बढेकी छिन् ।

update 1906: मनीताको खेल आरम्भ भएको छ । भुटानकी तान्दीन दिन्दुपसंग ।

update 1905: तेस्रो खेल जोर्डनका शादिन थवीब तथा ताईपेकी विन लि सु विच अहिले भईरहेको छ भने सु ३:० ले अगाडी छिन् । सुले ३:० ले विजय हासिल गरेकी छिन् ।

update 1900: अहिले सम्म दुई क्वाटरफाईनल खेल समाप्त भईसकेको छ जसमध्ये पहिलो खेलमा थाईल्याण्डमा दोनापास प्रेमवाई ले द. कोरियाकी रिन चाई जिनलाई ३:० ले तथा फिलिपिन्स की भिरोनीका डोमिङ्गोले लेवनानकी क्यरिना हमुदलाई ५:१ ले पराजित गरी सेमिफाईनलमा आफ्नो स्थान सुरक्षित गरिसकेको छ ।

१५औ एसियाली खेल अन्तरगत तेक्वाण्डोको महिला तर्फको ६३ किलो तौल समुहमा नेपाल की मनीता शाही सेमिफाईनलमा पुग्ने वलियो आशा छाएको छ । अहिले केही वेरमा हुन लागेको क्वाटरफाईनल खेलमा भुटानकी तान्दिन दिन्दुपलाई हराउन सकेमा मनीताको पदक जित्ने निश्चित हुने छ । यसलाई हामी क्रमशः अपडेट गर्ने छौ । अपडेट हेर्न कृपया आफ्नो स्क्रिन रिफ्रेश गर्नुहोला।

१५औ एसियाली खेलमा नेपाल रित्तै फर्कनु नपर्ने जस्तो देखिएकोछ । आज भएको तेक्वाण्डोको महिला तर्फको ६३ किलो तौल समुहमा मनीता शाहीले भारतका वर्षा वेन्दीलाई १:० ले पराजित गरि अगाडी बढेकी छिन् । यो खेलमा पाएको विजयीले शाहीलाई सेमिफाईनलमा पुग्न सहयोग गरेको छ । अर्को खेल भुटानकी सांगे वाङ्गमोसंग केही वेरमा हुँदै छ ।

भर्खरै समाप्त भएको खेलमा पहिलो दुई राउण्डमा कुनै अंक प्राप्त गर्न नसकेपनि तेस्रो राउण्डमा मनीताले १ अंक प्राप्त गरेकी थिईन् । यो अंक नै उनलाई पदक दिलाउने अंक सावित हुन सक्ने देखिन्छ ।

५’ ९" की भुटानी खेलीडी सांगे वाङ्गमोसंग केहि वेरमा क्वाटरफाईनलमा भिड्ने तयारीमा रहेकी ५’५" की शाहीले खेल जित्ने विश्वास सबैले लिएको छ । भुटानी खेलाडी सांगे वाङ्गमोले वाई पाई क्वाटरफाईनलमा प्रवेश गरेकी हुन् ।

नेपालले भाग लिएका भोलि हुने खेलहरुमा महिला १०००० मि दौडमा कान्छीमाया कोजू (१८३० बजे खलिफा स्टेडियम), वडि विल्डिङ्ग ६० केजी तौल समुहमा सचित प्रधान (१००० बजे अल दाना हल), गल्फ तर्फ यलम्बर सिंह अधिकारी, चुडा बहादुर भण्डारी, टासि घले तथा शिवराम श्रेष्ठ एकल तथा टिम ईभेन्टमा खेल्दैछन् भने आज स्थगित भएको सफ्ट टेनिसको खेल पनि भोली नै हुने भएको छ ।

तेक्वाण्डो तर्फको भोलिको खेलमा ७८ केजी तौल समुहमा दिपक विष्ट प्यालेस्टाईनका अहमद मब्रुकसंग तथा ५८ केजी तौल समुहमा याम बहादुर पुन मगर पाकिस्तानका जवाद फाहिम भुटसंग दिनको २ बजे भिड्दै छन् । महिला तर्फ भने भोली नेपालको कुनै खेल छैन ।

आज शुरु भएको तेक्वाण्डोको खेलमा नेपालको शुरुवात निराशाजन रहेको छ । पुरुष तर्फको आजको पहिलो प्रतियोगितामा ६२ केजी समुह तर्फ नेपाली खेलाडी रमेश कुमार श्रेष्ठ ताजिकिस्थानका ईस्दोमिद्दिन फाज्लोभसंग ०:४ ले पराजित भएका छन् भने पुरुष ५४ केजी समुह अन्तरगत नेपाली खेलाडी कुमार मानन्धर थाईल्याण्डका वासावात सोम्सवाङ्गसंग १:५ ले पराजित भएका छन् । यस अधि प्रिलिमिनेरी राउण्डमा मानन्धरले भुटानका तान्दीन दिन्दुपलाई ५:-१ ले पारजित गरेका थिए । मानन्धरले खेलको तेस्रो राउण्डमा केही उत्साहजनक खेल देखाएका थिए भने थाई खेलाडीले जम्मा ८ अंक प्राप्त गरेतापनि तेस्रो चरणमा फाउल वापत ३ अंक काटिएको थियो ।

यस्तै पहिला तर्फको ४७ किलो तौल समुहमा नेपालकी यान कुमारी चौलागाई जोर्डनकी आवातिफ अलआसाफसंग दुई राउण्ड मै ७ प्वाईन्टले हार खेप्नु पर्यो । जोर्डनी खेलाडीको उत्कृष्ट खेलको अगाडी नेपालीको केही चलेन । पहिलो राउण्डमै ६ अंक ल्याएकी जोर्डनी खेलाडी बलियो पक्षमा देखिन्थिईन् । महिला ६३ केजी समुहमा मनीता शाहीको खेल केही वेर पछि हुँदैछ ।

आज हुने भनिएको सफ्ट टेनिसका सम्पूर्ण खेलहरु भोलीको लागि सारिएको कुरा दोहा एसियन गेम्स आयोजक कमिटिले जनाएको छ । आज विहानै देखि दोहामा पानी परिरहेको तथा अहिले वेलुकी ४:४५ बजेसम्म पनि पानी परिनै रहेको अवस्थामा सफ्ट टेनिस तथा टेनिसका सम्पूर्ण खेलहरु भोलीको लागि सारिएको हो ।

यो निर्णयले गर्दा नेपाली खेलाडीहरुको आज हुने खेल भोलिको लागि सर्न पुगेको छ । सफ्ट टेनिसको पुरुष डबलमा नेपाली खेलाडीहरु कृष्ण बहादुर रावत र दिपेन्द्र थापाको जोडीले दक्षिण कोरियाका पल योङ्ग जोङ्ग र ह्वान यू वि को जोडीसंग तथा अभिषेक अमन झा र राजु पुतुवारको जोडी जापानका नाओया हानादा र तुत्सुरो कावामुराको जोडीसंग आज खेल्ने कार्यक्रम थियो ।

आज विहान दोहाको स्पर्टस् सिटीमा संचालन भएको एकल क्रस कन्ट्रि घुडसवार प्रतियोगितामा दक्षिण कोरियाका खेलाडी किम ह्वाङ्ग चिलको निधन भएको छ । ४७ वर्षिय चिल प्रतियोगिताको क्रममा १.५ मिटर अग्लो फेन्स नघ्ने क्रममा लडेका तथा उनकै घोडा बोन्दावर्ग व्लाकद्वारा किचिएका थिए ।

दुर्घटनाको तुरुन्तै चिकित्सक टोली दुर्घटनास्थल पुगि निजलाई अस्पताल पुर्याईएको थियो । अस्पतालले चिललाई विहान १०:१५ बजे मृत घोषणा गरेको थियो ।

दुर्घटना पछि स्थगित गरिएको खेल प्राविधिक टोलीले रेस कोर्षको पुनः जाँच गरी साढे दुई घण्टा पछि पुनः शुरु गरिएको थियो ।

आज ७औ दिन नेपालले सफ्ट टेनिस डबल तथा तेक्वाण्डोमा प्रतिस्पर्दा गर्ने छन् ।

सफ्ट टेनिसको पुरुष डबलमा नेपाली खेलाडीहरु कृष्ण बहादुर रावत तथा दिपेन्द्र थापाको जोडीले दक्षिण कोरियाका पल योङ्ग जोङ्ग तथा ह्वान यू वि को जोडीसंग आज विहान १० बजे भिड्ने छ भने अभिषेक अमन झा तथा राजु पुतुवारको जोडी जापानका नाओया हानादा तथा तुत्सुरो कावामुराको जोडी संग दिनको १२ बजे भिड्ने छ । आज विहानै देखि दोहामा पानी परिरहेकोले खेल केही ढिला हुन सक्ने आशंका गरिएको छ ।

आजहुने अर्को खेलमा नेपालीहरुले प्रतिक्षा गरिरहेको तेक्वाण्डो रहेको छ र नेपाली खेलाडीहरु यान कुमारी चौलागाई (महिला ४७ केजी समुह), मनीता शाही (महिला ६३ केजी समुह), कुमार मान्नधर (पुरुष ५४ केजी समुह) तथा रमेश कुमार श्रेष्ठ (पुरुष ६२ केजी समुह) आजको प्रतियोगितामा शामेल हुनेछन् । खेल दिनको २ बजेबाट कतार स्पोर्टस क्लबको ईण्डोर हलमा हुने छ ।

विनोद पाण्डे(दोहा कतार)
नेपालले १५ औं एसियाली खेलकुदमा सवैभन्दा आशा गरेको तेक्वान्दो खेल बिहीबारबाट प्रारम्भ हुदैछ । अन्य खेलहरुमा पराजयको क्रमजारी रहेपछि तेक्वान्दोलाई पदक जित्नै पर्ने दवाव आएको छ । (बाकी)

साभारः समाचारपत्र

काठमाडौं, (नेस)। डाबर नेपालले दोहा एसियाली खेलकुदमा पदक जित्ने नेपाली तेक्वान्दो खेलाडीहरूलाई पुरस्कारको घोषणा गरेको छ। डाबरले स्वर्ण जत्ने खेलाडीलाई रू. १ लाख, रजतलाई ५० हजार र कांस्य जित्ने खेलाडीलाई २५ हजार प्रदान गर्नेछ। यो पुरस्कारले खेलाडीहरूको हौसला बढ्ने विश्वास कम्पनीको छ। गत बुसान एसियाडमा तीन तेक्वान्दो खेलाडीहरूले कांस्य जितेका थिए।

१५औ एसियाली खेलको हिजोको पाँचौ दिनको खेल समाप्ति सम्म चिनले ६० स्वर्ण, ३१ रजत तथा १३ कास्य गरि जम्म १०४ पदक सहित अग्रस्थानमा रहेको छ । जापान १७ स्वर्ण, २० रजत तथा २५ कास्य गरी कुल ६२ पदक सहित दोस्रो स्थानमा रहेको छ भने दक्षिण कोरियाले १३ स्वर्ण, १७ रजत तथा ३२ कास्य गरि कुल ६२ पदक सहित तेस्रो स्थानमा रहेको छ ।

चौथो स्थानमा काजाकिस्थान ८ स्वर्ण, ६ रजत तथा १२ कास्य गरि कुल २६ रहेको छ भने उत्तर कोरिया ३ स्वर्ण, ४ रजत तथा ९ कास्य गरि कुल १७ पदक जिति पाँचौ स्थानमा चढ्न सफलभएको छ ।

अन्य स्वर्ण पदक विजेता राष्ट्रहरुमा थाईल्याण्ड २ स्वर्ण ५ रजत तथा ४ कास्य;भारत २ स्वर्ण ५ रजत तथा ३ कास्य; मंगोलिया २ स्वर्ण ३ रजत तथा २ कास्य; कुवेत २ स्वर्ण तथा १ कास्य;  सिंगापुर १ स्वर्ण २ रजत ३ कास्य; हङ्गकङ्ग १ स्वर्ण १ रजत तथा ३ कास्य; ईण्डोनेसिया तथा मलेसिया १ स्वर्ण १ रजत तथा २ कास्य;  साउदी अरेविया तथा सिरिया १/१ स्वर्ण रहेको छ ।

हिजो सम्मका अन्य विजयी राष्ट्रहरुमा  ईरान ४ रतज १ कास्य; भियतनाम ३ रजत २ कास्य; म्यानमार २ रजत २ कास्य; ताईपे १ रजत ६ कास्य; कतार १ रजत ४ कास्य, संयुक्त अरव ईमिरेट्स १ रजत १ कास्य; तुर्कमिनिस्थान तथा किर्गिस्थान १/१ रजत; उज्वेकिस्थान ४ कास्य; ईराक, ताजिकिस्थान तथा लेवनान १/१ कास्य रहेका छन् ।

तेक्वान्दोमा दिपक विष्टले एउटै खेल नजिती १५ औं एसियाली खेलकुदमा पदक जित्ने संभावना रहेको छ । अमेरिकामा अभ्यास गरी सोमबार दोहा आइपुगेका दिपकले प्रतिस्पर्धा गर्ने ७८ केजीमा केवल सात खेलाडीमात्र रहेका छन् । यसको पुरा पुष्टि हुन बाँकी नै रहेपनि सात मध्येका वाइ पाउने एक खेलाडी सोझै सेमिफाइनलमा पुगि पदक प्राप्त गर्ने हुनाले सागमा लगातार तीन स्वर्ण जित्ने दिपक नै भाग्यमानी नहोलान भन्न सकिन्न् !

आज भएको सफ्ट टेनिस तर्फको पुरुष एकल खेलमा नेपाली खेलाडीहरुको प्रदर्शनी राम्रो रहेको थियो ।
कृष्ण बहादुर राउत पहिलो खेलमा फिलिपिन्सका माईकल जोन ईरिक्विजलाई ४-३ मा पराजित गरि अगाडी बढेका थिए । राउतले ३-५: २-४; ४-०; ५-३; २-४; ६-४ तथा ७-५ मा खेललाई आफ्नो पक्षमा पारेका थिए । ३५ मिनेट सम्म भएको उक्त खेलमा राउतले २९ अंक हासिल गरेका थिए भने फिलिपिन्सका माईकलले २५ अंक हासिल गरेका थिए । दोस्रो खेलमा भने जापानका हिदिनोरी सिनोहारासंग ०-४; २-४; १-४ तथा १-४ मा पराजित भए । अर्का नेपाली खेलाडी श्याम कुमार लामा भने पहिलो खेलमै ताईपेका यन चुङ्ग ह्वाङ्गसंग ०-४; ५-७; १-४ तथा १-४ मा पराजित भएका थिए ।

बक्सिङ्ग तर्फ नेपाली खेलाडी सुशिल घिमिरे श्रीलंकाका वाकाडापोला वाशालासंग भिडेका थिए । घिमिरेले राम्रो प्रदर्शन देखाएता पनि अंकको आधारमा हार खानु पर्यो । चार राउण्डमा भएको उक्त खेलमा कुल १९:११ (१:५ ३:३ ५:७ २:४) मा घिमिरेको पराजय भएको थियो ।

                               नेपाली खेलाडी रातो जर्सीमा

१५औ एसियाली खेलमा भाग लिने नेपाली ताईकान्डो खेलाडीहरु हिजो दोहा आईपुगेका छन् । ५ पुरुष तथा ५ महिलाको टोलीले ७ तारिखदेखि शुरु हुने खेलमा भाग लिने छ ।

नेपाली ताईकान्डो खेलाडी अविना राई भने अस्वस्थ्यताका कारण खेलबाट वाहिरिएकी छिन् । उनको हातमा चोट लागेकोले खेल्न नसक्ने अवस्थामा छिन् । उनी ५१ किलो तौल समुहमा नेपालको प्रतिनिधित्व गर्दै थिईन् ।

आज हुने भनिएको नेपालको महिला एकल व्याडमिन्टनको खेल भोली हुने भएको छ ।

अन्तिम टाई सिट प्रकाशन गर्दा यो खेल भोलीलाई सारीएको हो । भोली एस्पायर हल ३ मा दिनको १२२० मा हुने उक्त खेलमा नेपाली खेलाडी शुमिना श्रेष्ठ सिंगापुरकी आईङ्ग जिङ्गसंग भिड्ने छ ।

विनोद पाण्डे, दोहा कतार ।

राम्रो चुनौति दिएपनि जुडोकी रन्जु राई पहिलो चरणमै पराजित भएपछि १५ औं एसियाली खेलकुदमा नेपालको पदक आशा अव कराँते तेक्वान्दो र उसुमा मात्र केन्द्रित भएको छ । कतार स्पोटस्र क्लबको इन्डोर हलमा रन्जु ५२ केजी तौलमा सोमबार चिनकी विश्व च्याम्पियन लि यिनसँग रिप्याचेज टेकनिको आधारमा पराजित भइन । गत बर्ष इजिप्टमा भएको विश्व च्याम्पियनसिप जितेकी यिनसँग रन्जुले २ मिनेट १३ सकेन्ड प्रतिस्पर्धा गरेकी थिइन । अघिल्लो दिन देवु थापा केवल १४ सकेन्डमा पराजित भएकी थिइन । (बांकी)

१५औ एसियाली खेलको पुरुष तथा महिला बुद्धिचाल प्रतियोगिताको रेपिड ईभेन्टमा नेपालको प्रदर्शनी राम्रो रहेको छ । महिला खेलाडी तथा नेपाली टोलीका कान्छी खेलाडी १४ वर्ष की मोनालिसा खुम्बुले ९ खेलमध्ये तिन खेल जितेकी छिन् भने ६ खेल हारेकी छिन् । उनी कूल ३.० अंक ल्याई १९औ स्थानमा आउन सफल भएकी छिन् । महिला तर्फ जम्म २१ खेलाडी थिए । यस खेलमा भारतले स्वर्ण, चिनले रजत तथा कतारले कास्य पदक प्राप्त गरेको थियो ।

त्यस्तै पुरुष तर्फ विलमलाल श्रेष्ठ ९ खेलमध्य ४ जीत १ बरावरी तथा ४ हारका साथ ४.५ अंक ल्याई २५औ स्थानमा आएका छन् भने सु्रविर लामा ३ जित २ वरावरी तथा ४ हारका साथ ३.५ अंक ल्याई ३५औ स्थानमा आएका छन् । पुरुष तर्फ जम्मा ४१ खेलाडी थिए । यस खेलमा काजाकिस्थानले स्वर्ण, भियतनामले रजत तथा चिनले कास्य पदक प्राप्त गरेको थियो । (पूर्ण विवरण)

१५औ एसियाली खेलका आयोजक राष्ट्र कतारले आफ्नो खातामा एक रजत र एक कास्य पदक थप्न सफल भएको छ । बलिङ्गको पुरुष डबल तर्फ कतारका साईद अल हिज्रि तथा अब्दुल्ला अल कतानको जोडीले कास्य पदक प्राप्त गर्न सफल भएको छ भने सो खेलमा साउदी अरेवियाले स्वर्ण तथा संयुक्त अरब ईमिरेट्सले कास्य पदक प्राप्त गरेको छ ।

त्यस्तै चेसमा महिला रापिड तर्फ कतारकी जु चिनले कास्य पदक प्राप्त गरेकी छिन् । चिनिया मुलकी चिन कतारीसंग विवाह गरि कतारी नागरिकता लिएकी हुन् । यस खेलमा भारतकी हेम्फी कोनीरुले स्वर्ण तथा चिनकी जि ज्वाहले रजत पदक प्राप्त गरेकी छिन् । 

१५औ एसियाली खेलको आयोजक राष्ट्र कतारले आज आफ्नो पहिलो पदक हात पारेको छ । शुटिङको महिला तर्फको १० मिटर रनिङ्ग टार्गेटमा कतारलाई कास्य पदक मिलेको छ ।

कतारको तर्फबाट अमाल महमुद, अनिशा जामा तथा समसम जामाको टोलीले कूल ९१२ अंक प्राप्त गरि कास्य पदक जितेको हो । सो खेलमा काजाकिस्थानले स्वर्ण तथा भियतनामले रजत पदक हात पारेको छ ।

१५औ एसियाली खेल अन्तरगतको महिला जूडोको ५२ किलो तौल समुहमा पनि नेपालले हारको सामना गर्नुपर्यो । चिनकी योङ्ग लि संगको प्रतिस्पर्धामा नेपाली खेलाडी रन्जु राई २ मिनेट १३ सेकेण्डमा विहिरिईन् ।

यो खेल संगै नेपालको जूडोमा सहभागिता सकिएको छ ।

यहाँ संचालित १५औं एसियाली खेलकुद अन्तर्गत बुद्धिचालतर्फ तेस्रो दिन सोमबार बिहानसम्म सम्पन्न दुइ चरणका खेलहरुमा नेपालले क्रमशः दुइ जित, एक बराबरी गर्न सफल भएका छन ।

पुरुषतर्फको र्‍यापिड स्वीस लिग अनुसार खेलाइएको सातौं चरणको खेलमा वाई मार्फत ३.५ अंक वटुलेका सुरबीर लामाले आठौं चरणमा जोर्डनका फिडे मास्टर बाहजात यल रिमावीलाई बराबरीमा रोकी २.५ अंक प्राप्त गरेका थिए ।

पुरुषतर्फका अर्का नेपाली प्रतिस्पधी बिमललाल श्रेष्ठ सातौं चरणमा सिरियाका इमाद हाक्कीसंग ३.५-२.५ ले पराजित भएपछी आठौं चरणमा वाई मार्फत ३.५ अंक प्राप्त गरे ।

यद्यपी ३५ तथा ३७ स्थानमा रहेका नेपाली खेलाडीहरुले बुद्धिचालमा पदक ल्याउने संभावना देखिएको छैन ।

महिला तर्फको खेलमा भने ७औ राउण्डमा सिरियाका आफाम्या मिर महम्मदसंग नेपाली खेलाडी मोनालिसा खुम्बुले पराजय भोग्नु पर्यो भने ८औ राउण्डमा संयुक्त अरव ईमिरेट्सका नोरा मुहम्मद सलीसंग अर्को हारको सामना गर्नुपर्यो ।

थौरै भए पनि १५औं एसियाली खेलकुदमा नेपाली निणार्यकहरुले आफनो प्रतिभा देखाउने अवसर पाएका छन् । शनिबार राती किर्गिस्तानका मुर्गाकेरिमोभ इजाजी र लेवनानका साहिम वेइल विचको ६४ केजी तौलको बक्सिङ खेलमा ओम मास्केले जजको भुमिका निभाएका थिए । त्यस्तै फुटबलका साहयक रेफ्री शैलेस जोशीले शनिबार राती नै युएई र जोर्डनबीचको अलसाद रंगशालामा भएको खेलमा निणार्यकको भुमिका निभाएका थिए । नोभेम्बर २८ मा दक्षिण कोरिया र बंगलादेशबीचको खेलमा पनि जोशीले सहायक रेफ्रीको भुमिका निर्वाह गरेका थिए ।

दोहामा हाल सम्पन्न भईरहेको १५औ एसियाली खेलमा नेपाली टोलीको हौसला बढाउन नेपाली दर्शकको कमी भएको गुनासो खेलाडीहरुले गरेका छन् । हिजो सम्म सम्पन्न खेलहरुमा १ लाख ८० हजार नेपाली जनसंख्या भएको कतारमा नेपाली दर्शकहरुको न्यून उपस्थिति रहेको छ ।

कतारमा कार्यरत नेपालीहरुसंग यसबारेमा कुरा गर्दा ड्युटीका कारण ईच्छा भएर पनि जान नसकेको अधिकांशले वताए । कतार एयरवेजमा कार्यरत नेपाली कर्मचारीहरु एसियाली खेलले गर्दा उडान संख्यामा वृद्ध भएको तथा अफ दे सम्म पनि पाउन गाह्रो भईरहेको वताउदछन् भने सेल्स तर्फ कार्यरत नेपालीहरु भने कार्यालय नै राती ८/९ बजे सम्म हुने हुँदा जान नसकेको वताउदछन् ।

कतारमा निजी कम्पनीहरु विहान ७/८ बजे देखि वेलुकी ७/८ बजे सम्म संलाचल हुँने हुँदा खेल हेर्न जान समय अभाव भएको धेरैको गुनासो रहेको छ । कतार सरकारले निजी कम्पनीहरुलाई खेल अवधिभरको लागि सिंगल सिफ्टमा काम गर्न निर्देशन दिएको भए धेरै नेपालीहरु खेल हेर्न तथा आफ्नो देशको सपोर्ट गर्न पुग्ने थिए ।

हाम्रा सम्वाददाताले कुरा गरेका सबै नेपालीहरुले खेलाडीहरुलाई शुभकामना दिनुका साथै नेपाली खेलाडीहरुको विजयको आशा दर्शाएका थिए ।

आज १५औ एसियाली खेलको चौथो दिनमा नेपालले पुरुष तथा महिला चेसको ७, ८ तथा ९औ राउण्ड खेल्ने छन् भने जूडो तर्फको -५२ केजी तौल समुहमा रन्जु राई भिड्दै छिन् ।

जुडोको खेल कतार स्पोर्टस् क्लबमा दिनको २ बजे शुरु हुने छ भने चेसको खेल अल दाना ईण्डोर हलमा ७औ राउण्ड ११ बजे, ८औ राउण्ड दिनको ३ बजे तथा ९औ राउण्ड दिनको ५ बजे शुरु हुने छ ।

दोहामा संचालन भईरहेको १५औ एसियालि खेलको भारत्तोलन तर्फ पुरुष ६९ केजी समुहमा नेपालका खेलाडी कमल अधिकारीले स्नाचतर्फ ११० केजी तथा क्लिन एण्ड जर्क तर्फ १४५ केजी गरि जम्मा २५५ केजी तौल उठाई ११औ स्थान हासिल गरेका छन् । अधिकारीले गत अगष्टमा श्रीलंकामा भएको १०औ साफ गेम्समा २६६ केजी तौल उठाई नेपाललाई स्वर्ण पदक जिताएका थिए ।

६९ केजी तौल समुहमा चिनका गउजिङ्ग जिहागंले १५२+१८४ गरि ३३६ केजी तौल उठाई स्वर्ण, चिनकै जियोङ्ग सिले १५५+१८० गरि ३३५ केजी तौल उठाई रजत तथा द. कोरियाका सुन वाई किमले १३७+१७० गरि ३०७ केजी तौल उठाई कास्य पदक जितेका छन् ।

updated 1830: आजको खेलमा सुरविर लामा संयुक्त अरव ईमिरेटस्‌का हसन अब्दुल्ला अलहमादी (IM) संग बराबरी भयो भने ईण्डोनेसियाका ग्राण्ड मास्टर एडियान्तो उटुट वाझुविदाझ तथा मंगोलियाका गुन्दभा वयरसैखान संगको खेलमा हारको सामना गर्नुपर्यो ।

त्यस्तै विलमलाल श्रेष्ठ आफ्नो कौशलतापूर्ण खेलको प्रदर्शन गरि मंगोलियाका गुन्दभा वयरसैखानलाई जिते भने संयुक्त अरव ईमिरेटस्‌का हसन अब्दुल्ला अलहमादी (IM) संग बराबरी भएका थिए भने सिरियाका ज्वान वर्खसंग हारको सामना गर्नुपर्यो ।

महिला तर्फ मोनालिसा खुम्बुले मकाउका चेन आई सिनलाई जितिन् भने फिलिपिन्सका जिदारा दोसिना तथा जोर्डनका नातालि जमालिहासंग हारको सामना गर्नुपर्यो ।

१५औ एसियाली खेलमा प्रथम पटक समावेश गरिएको चेस (बुद्धिचाल) प्रतियोगितामा नेपालको हालसम्मको प्रदर्शनी राम्रो देखिएको छ । आजका तिन खेलमध्ये दुई खेल भईसकेको छ भने तेस्रो खेल यो लेख्दासम्म चलिरहेको थियो ।

आजको खेलहरुमा सुरविर लामा १ बरावरी १ हार, विलमलाल श्रेष्ठ १ जित १ हार तथा मोनालिसा खुम्बु १ जित १ हार को अवस्थामा रेहका छन् ।

हिजोको खेलहरुमा राम्रो प्रदर्शनी देखाउन सकेका नेपाली खेलाडीहरुको आज पनि राम्रो नतिजा निस्कने आशा गरिएको छ । पदकको आशा नरहेपनि नेपाली खेलाडीहरुको अन्तरराष्ट्रिय अनुभव भने यो एसियाली खेलले बढाउने पक्का छ । (खेलको पूर्ण विवरण)

१५औ एसियालि खेल अन्तरगत ६३ केजी तौल समुहको जूडोमा नेपाली खेलाडी देवु थापा तुर्कमिनिस्थानकी गुल्नार हायतवाईवासंग पहिलो चरण मै वाहिरिएकी छिन् ।

१५औ एसियाली खेल अन्तरगत सफ्ट टेनिसको ग्रुप ईभेन्टमा नेपालले छैथौ स्थान प्राप्त गरेको छ । आज भएको ५/६ स्थानको खेलमा नेपाल नेपाल फिलिपिन्स् संग ५-० र ४-० ले हारेको थियो । हिजोको खेलमा मंगोलियासंग हारेको नेपालले आज वाई पाई ५/६ स्थानको लागि भिडेको हो ।

आजै भएको तेस्रो स्थानको खेलमा द. कोरियाले मंगोलियालाई ५-० र ४-३ ले विजय हासिल गरि कास्य पदक हाल पारेको छ भने फाईनल खेल जापान र ताईपे विच भइरहेको छ ।

update 1800: जापानले ताईपेलाई हराएर सफ्ट टेनिसको स्वर्ण पदक जितेको छ ।

साभारः समाचार पत्र

विनोद पाण्डे/दोहा, कतार
१५औं एसियाली खेलकुदअर्न्तगत नेपालले शनिबार मिश्रति नतिजा निकालेको छ। दुइ चेस खेलाडीले स्मरणीय विजय हात पार्दा नेपालले पुरुष सफट टेनिसमा एक खेल जितेको छ। विलमलाल श्रेष्ठ र सुविर लामाले र्‍यापिड स्वीस राउन्डअन्तगर्त दोस्रो चरणमा सनसनीपूर्ण विजयी नजिता निकालेका थिए। फिडे वरीयताको २१०४औं स्थानका श्रेष्ठले युएइका ग्रान्ड मास्टर तलिव मुसा इब्राहिम (२३६५ फिडे) लाई पराजित गरे। पहिलो चरणमा उनी उज्वेकिस्तान एलेक्सी बासारोसँग पराजित भएका थिए। ४२ सहभागीमध्येमा ३७औं वरीयताका लामाले पनि त्यस्तै नतिजा निकाल्ने क्रममा सिरियाका जवान बाक्रालाई पराजित गर्दै अंक बटुले। २६औं वरीयताप्राप्त खेलाडीसँग विजय हात पार्नुअघिको पहिलो चरणको खेल लामाले १६औं वरीयताप्राप्त इन्डोनेसियाका ग्रान्ड मास्टर सुसान्तो मेघरान्तोलाई सुम्पिएका थिए। महिलातर्फी २१ मध्ये २०औं वरीयता पाएकी मोनालिसा खम्बूले १०औं वरीयताप्राप्त महिला ग्रान्डमास्टर उज्वेकिस्तानकी ओल्गा साबिरोभा र श्रीलंकाकी यशोदासँग पराजित भए पनि तेस्रो चरणमा वाइ पाएकी छन्। एसियाली खेलकुदमा चेस पहिलो पटक समावेश भएको हो। नेपालको सफट टेनिस टिमले एक खेल जितेको छ। जापान र चीनसँग लगातार पराजित नेपाली सफट टेनिस टिमले अन्त्यमा फिलिपिन्सलाई पुरुष टिम समूह चरणमा पराजित गरेको थियो। राजु पुतुवार र अभिषेक अमन झाको नेपाली जोडीले वेनिफेडो डे लेनो र वल्डान्डो सिल्भोजासँगको खेल ५-३ ले जितेको थियो। त्यसपछि दोस्रो खेलमा एकलतर्फकृष्णप्रसाद राउत माइकल जोन इनरिकसँग ४-० ले पराजित भए पनि तेस्रो खेलको डबल्सतर्फफिलिपिन्सले नेपाली खेलाडीद्वय श्याम लामा र दीपेन्द्र थापालाई वाकओभर दिएको थियो। पुरुषतर्फो टिम समूह चरणमा चाइनिज ताइपेइले नेपाललाई ३-० ले सजिलै पराजित गर्‍यो। दोस्रो खेलमा पनि नेपाल प्रवल दावेदार जापानसँग ३-० ले नै पराजित भएको थियो। नेपालका लागि सुटिङका खेलाडीहरूले राम्रो प्रदर्शन गर्न सकेनन्। प्रतिस्पर्धी चारै खेलाडीहरू आशाअनुरूप प्रदर्शन गर्न नसकेपछि पुछारको क्रममा चित्त बुझाउन बाध्य भएका छन्। पुरुषतर्फो १० मिटर एयर राइफलमा असीम यादवले ४५औं स्थान हात पारे। ५१ प्रतिस्पर्धीमा असीमले कुल ५ सय ६४ अंक बटुलेका थिए। यसै प्रतिस्पर्धामा चीनका लिउ टिएन योउले कुल ५ सय ९८ अंक बटुल्दै टिम इभेन्ट्समा स्वर्ण पदक दिलाए, जुन १५औं एसियाली खेलकुदको पहिलो स्वर्ण थियो। लुसाइल सुटिड रेन्जमा भएको महिला १० मिटर एयर राइफलमा पनि औसत प्रदर्शनपछि नेपाली खेलाडी बाहिरिएका छन्। भगवती खत्रीले कुल ३ सय ८२ अंक बटुल्दै ४२औं स्थान हात पारेकी छन् भने फूलमाया क्याप्छाकी ३ सय ८० अंकसहित ४५औं र अस्मिता राई ३ सय ७५ अंक सहित ५३औं स्थानमा रहे। तीनै महिला खेलाडीले ओलम्पिकका लागि आवश्यक अंक बटुली छनोट चरणमा खेल्न पाउने भएका छन्। कुल ५४ प्रतिस्पर्धीहरूमा डु लीले ३ सय ९८ अंक ल्याउँदै चीनलाई अर्को स्वर्ण पदक दिलाए। बक्सिङका एक मात्र प्रतिस्पर्धी ६४ केजीका सुशील घिमिरेले पहिलो चरणमा वाइ पाएका छन्। चीनले ११ स्वर्ण र जापानले १ स्वर्ण पदक जितेका छन्।

१५औ एसियाल खेल अन्तरगत नेपाली खेलाडीहरुले आज सफ्ट टेनिसको टिम ईभेन्टमा ५/६ स्थानको लागि भिड्ने छन् भने जूडो तर्फको महिला -६३ केजी समुहमा देवु थापाले आफ्नो खेलको प्रदर्शन गर्नेछिन् । त्यस्तै भारत्वलनमा नेपाली खेलाडी कमल अधिकारी ६९ केजी तौल समुहमा प्रतिस्पर्धा गर्नेछन् । चेल तर्फ पुरुष रेपिड नेपाली खेलाडीहरु सुरविर लामा तथा विलमलाल श्रेष्ठ तथा महिला रेपिडतर्फ मोनालिसा खुम्बु प्रतिस्पर्धामा उत्रदै छन् ।

नेपाली टोलीले भाग लिने खेलहरुमध्य चेस प्रतियोगिता विहान ११ बजे तथा बाँकी अन्य मध्यान्न पछि हुनेछन् ।

दोहामा सम्पन्न भईरहेको १५औ एसियाली खेलको पहिलो दिनको खेल सम्म चिनले १६ स्वर्ण ५ रजत तथा २ कास्य गरि जम्म २३ वटा पदक हात पार्न सफल भएको छ । सदा झै चिन एसियाली देशहरुको अग्र स्थानमा कायम रहने पहिलो दिनकै नतिजाले प्रष्टाएको छ । दोस्रो स्थानमा रहेको जापानले ३ स्वर्ण ६ रजत तथा ३ कास्य गरि जम्म १२ वटा पदक तथा तेस्रो स्थानमा रहेको दक्षिण कोरियाले १ स्वर्ण २ रजत तथा ७ कास्य गरि जम्म १२ वटा पदक प्राप्त गरेको छ ।

अन्य पदक विजयि राष्ट्रहरुमा थाईल्याण्ड २ रजत तथा १ कास्य; सिंगापुर र मंगोलिया १ रजत तथा १ कास्य; भियतनाम, ईरान तथा उत्तर कोरिया १/१ रजत; काजाकिस्थान ३ कास्य; भारत तथा उज्वेकिस्थान २/२ कास्य अनि हङ्गकङ्ग तथा ताईपे १/१ कास्य पदक जितेका छन् ।

आज भएको सफ्ट टेनिसको खेलमा नेपाल जापानसंग १-५, ०-४, ०-५ ले पराजित भएको छ । पहिलो खेलमा नेपाली खेलाडीहरु अभिशेक तथा राजु जापानका हानाडा तथा कावामुराको जोडीसंग भिडेको थियो भने दोस्रो खेलमा नेपाली खेलाडी कृष्ण बहादुर जापानी खेलाडी सिनोहारासंग भिडेका थिए । तेस्रो खेलमा नेपाली खेलाडी श्याम कुमार र दिपेन्द्रको जोडी नाकाहोरी र ताकागावाको जोडीसंग भिडेको थियो ।

पुरुष एकलको खेल दिसेम्बर ५ तथा पुरुष डबलको खेल ७ तारिखमा खेलिनेछ ।

महिला १० मिटर एअर राईफल शुटिङ्गमा नेपालबाट भाग लिएका तिनै जना खेलाडी बाहिरिएका छन् । आज भएको क्वालिफाईङ्ग खेलामा नेपालकी भगवती खत्रीले ३८२, फुलमाया क्याप्चाकीले ३८० तथा अस्मिता राईले ३७५ अंक प्राप्त गरेका थिए । तिनै जनाको स्थान क्रमशः ४२, ४५ र ५३ रहेको थियो ।

सो खेलमा चिनका लि दु ले ३९८ अंक ल्याई उत्कृष्ट रहेकी थिईन् भने अन्तिम चरणमा १०३.४ अंक थपि स्वर्ण पदक हात पार्न सफल भएकी थिईन् ।

update - चिनले अर्को एक स्वर्ण पदक जितेको छ । महिला शुटिङ्गको ट्राप टिममा पनि चिनले स्वर्ण पदक जितेर आफ्नो नाममा दुई स्वर्ण पारेको छ । सो प्रतियोगितामा उ. कोरियाले रजत तथा द. कोरियाले कास्य पदक जितेको छ ।

१५औ एसियाली खेलको पहिलो स्वर्ण पदक चिनले हात पारेको छ । लि जुई, लिउ टिङ्गयो तथा जु जियानको टोलीले पुरुष १० मिटर राईफल टिम ईभेन्टमा २९.७६९ अंक ल्याई आफ्नो देशको लागि पहिलो स्वर्ण पदक जितेका हुन् । सो प्रतियोगितामा कोरियाले रजत तथा भारतले कास्य पदक जितेका छन्।

(updated - 12:55) १५औ एसियादमा नेपालको पहिलो खेल पुरुष तर्फको १० मिटर राईफलको पहिलो चरणमा नेपालका आसिम यादवको प्रदर्शनी खास उत्साहजन रहेन । कुल ५६४ अंक प्राप्त गरेका यादवले ६ सिरिजमा क्रमशः ९१ ९५ ९१ ९४ ९७ ९६ प्राप्त गरेका थिए । दोहाको लुसेल शुटिङ्ग रेन्जमा आज विहान ८ बजे शुरु भएको सो प्रतियोगितामा ५४ जना खेलाडीहरुको सहभागिता रहेको छ भने यादवको सिरिज भर्खरै मात्र समाप्त भएको हो ।

क्वालिफाईङ्ग राउडको नतिजा अनुसार यादव ४५औ स्थानमा आएका छन् भने उनी खेलबाट बाहिरीएको छन् ।

 १५औ एसियन गेम्सको भव्य शुरुवात

दोहाको ‍आकाश आतिशवाजीले उज्जालीएको थियो भने रातभर १५औ एसियाली खेलको शुरुवातको खुशियालीमा सडकभरी मानिसहरुको धुईंचो थियो । सिमसिम पानी परिरहेको अवस्थामा वेलुकी ७ वजे शुरुभएको उद्‌घाटन समारोह अति सुन्दर रंगी विरंगी विद्युतिय प्रकाशको उज्जालो मनमोहक मनाएको थियो । ४० हजार दर्शकले भरिएको खलिफा स्टेडिममा मोरोक्कोका राजकुमार अल्बर्त, दुवाईका शेख अल मक्टुम, भिनिज्वेला सिरिया तथा यमनका राष्ट्रपतिहरु, यूएईका उत्तराधिकारी, कुवेत तथा थाईल्याणका प्रधानमन्त्री लगाएतका विशिष्ट पाहुनाहरुको उपस्थिति थियो । साढे तिन घण्टा चलेको विश्व कै उत्कृष्ट तथा ऐतिहासिक उद्‌घाटन समारोह ३ अर्व भन्दा बढी दर्शकले विश्वभरी टेलिभिजन मार्फत हेरेका थिए ।

कतारका ईमिर शेख हमद विन खलिफा अल्थानीबाट खेलको औपचारिक शुरुवात भएको घोषणा भएको थियो । त्यस अधि एसियाको विकाश तथा ईतिहाँसलाई दर्शाउने कलात्मक नाटकिय प्रस्तुति भएको थियो ।

सबै सहभागी देशहरुका खेलाडीहरु क्रमबद्ध तरिकाले रंगशालामा आएका थिए भने दक्षिण तथा उत्तर कोरियाभने एकैसाथ आएका थिए ।
 

एसियन गेम्सको टेर्चलाई कतारका ६ खेलाडीले रंगशालाको परिक्रमा गराएपछि शेख मोहम्मद विन हमद अल्थानीलाई दिईएको थियो । शेख मोहम्मदले घोडामा सबार भएर थाठो भर्याङ्ग घोडाबाटै चढेर रंगशालाको माथिल्लो भागमा पुगेका थिए जहाँ उनले सूर्याकारमा रहेको दिप प्रज्वलन गरेका थिए । लामो तथा अति थाठो भर्याङ्गमा शेख मोहम्मद घोडा सहित चड्दा सबैको शास रोकिएको थियो। उद्‌घाटन समारोहको अन्तमा ५ मिनेट सम्म आतिशवाजी गरीएको थियो ।

                                                      (अरु फोटोहरु भित्र पनि छ ।)

updated 16:28 - आजको पुरुष रेपिड तर्फ भएको खेलमा नेपालका विमल श्रेष्ठ उज्वेकिस्थानका एलिक्सी वोर्सोभ (Grand Master) संग १-० ले तथा सुरविर लामा ईण्डोनेशियाका सुसान्तो भिगारान्तो (Grand Master) संग १-० ले हारेका छन् । त्यस्तै महिला तर्फ मोनालीसा खुम्बो उज्वेकिस्थानका ओल्गा साविरोमा (International Master) संग १-० ले पराजित भएका छन् ।

एसियाली खेलमा चेस समावेश गरिएको यो पहिलो पटक हो । नेपाली खेलाडीहरुसंग कुनै पनि उपाधि नभएको तथा विपक्षीहरु Grand तथा Internationa Master रहेको अवस्थामा विशेष आशा नेपालको थिएन ।

१५औ एसियाली खेल अन्तरगत चेस प्रतियोगितामा नेपालले आज भाग लिंदै छ । पुरुष रेपिड तर्फ विमल श्रेष्ठ उज्वेकिस्थानका एलिक्सी वोर्सोभ संग तथा सुरविर लामा ईण्डोनेशियाका सुसान्तो भिगारान्तो संग भिड्दै छन् भने महिला रेपिड तर्फ मोनालीसा खुम्बो उज्वेकिस्थानका ओल्गा साविरोमा संग भिड्दै छन् ।

अहिले विहान ११ बजे हुने उक्त खेलहरु अल दाना ईण्डोर हलमा हुँदै छ ।

१५औ एसियादमा नेपालको पहिलो खेल आज सम्पन्न हुँदै छ । पुरुष तर्फको १० मिटर राईफलको पहिलो चरणमा नेपालका आसिम यादव भाग दिंदै छन् । दोहाको लुसेल शुटिङ्ग रेन्जमा अहिले विहान ८ बजे शुरु भएको सो प्रतियोगितामा ५४ जना खेलाडीहरुको सहभागिता रहेको छ ।

एसियन गेमको मस्कट

एसियन गेमको प्रतिक्षामा बेहुली जस्तै भएको दोहा शहर

(भित्र पनि छ)

हिजो ३० तारिख ६ विधाका खेलहरु सम्पन्न भएका थिए जस्मा व्याडमेन्टन, वेसवल, वास्केतबल, महिला फुटबल, टेवुलटेनिस तथा भलिबल रहेका थिए । व्याडमेन्टन अन्तरगत पुरुष तथा महिलाको टिम ईभेन्ट, वेसबल राउड रविन, वास्केतबल पुरुष प्रिलिमिनेरि राउड, महिला फुटबल प्रिलिमिनेरि राउण्ड, टेवुलटेनिस महिला तथा पुरुष टिम ईभेन्ट तथा क्वाटरफाईनल तथा महिला भलिबलको प्रिलिमिनेरी राउण्डबा खेलहरु सम्पन्न भएका थिए । (बाँकी)

दोहा शहरको झलकहरु

(अरु फोटो हेर्ने भए भित्र आउनुहोला)

१५ औ एसियाली खेलको आज दोहा स्थित खलिफा स्टेडियममा कतारका ईमिरबाट उद्‌घाटन हुने छ । आज वेलुकी कतारी समय ७ बजे हुने सो उद्‌घाटन समारोह पछि औपचारीक रुपमा १५ औ एसियाली खेल शुरु हुने छ । उद्‌घाटन समारोहको टिकट ५०० तथा ६५० कतारी रियाल राखिएको छ भने सबै टिकटहरु बिक्री भईसकेको आयोजकहरु वताउदछन् । ५० हजार दर्शक क्षमता रहेको अत्याधुनिक स्टेडियममा एक भव्य समारोहको आयोजना गरिने भएको छ । आज कतारको मौसम असामान्य रहेको छ । विहान केही हल्का पानी परेको थियो भने आकाशमा कालो बादल देखिएको छ । कतारको जलवायु विज्ञान विभागले आज वेलुकी पानी पर्ने सम्भावना रहेको वताएको छ भने उद्‌घाटन समारोहका आयोजकहरु पानी परे पनि उद्‌घाटन समारोहलाई असर नपर्ने बताउदछन् । उद्‌घाटन समारोहको सम्पूर्ण तयारी पूरा भईसकेको छ ।

साभारः समाचार पत्र दैनिक

काठमाडौं, १५ औं एसियाली खेलकुदका लागि शिक्षा तथा खेलकुदमन्त्री एवम् राष्ट्रिय खेलकुद परिषद्का अध्यक्ष प्रा.डा. मंगलसिद्धि मानन्धरसहित विभिन्न ५ खेलका टोली बुधबार १५ औं एसियाली खेलकुदका लागि कतारको दोहा प्रस्थान गरे। (बाँकी)

हिजो २९ तारिख ३ विधाका खेलहरु सम्पन्न भएका थिए जस्मा वेसवल, फुटबल तथा टेवुलटेनिसका टिम ईभेन्ट अन्तरगत महिला तथा पुरुष । वेसबल राउड रविन अन्तरगत पहिलो तथा दोस्रो खेल भएको थियो भने पुरुष फुटबलको दोस्रो चरण अन्तरगतका ६ वटा खेल भएको थियो । त्यस्तै टेवुलटेनिसका टिम ईभेन्ट अन्तरगत महिला तथा पुरुषका क्रमशः १२ तथा १४ वटा खेल सम्पन्न भएका थिए । (बाँकी)

(भित्र आउनु होला)  

साभारः गोरखापत्र
काठमाडौँ, मङ्सिर १२ गते । १५औँ एसियाली खेलकुदमा सहभागी हुने खेलाडी, प्रशिक्षक तथा पदाधिकारीलाई शिक्षा तथा खेलकुदमन्त्री एवं राष्ट्रिय खेलकुद परिषद्का अध्यक्ष प्रा. डा. मङ्गलसिद्धि मानन्धरले आज बिदाइ गर्नुभयो । (बाकी)

१५ औ एसियाली खेलकुद अन्तर्गत फुटबल प्रतियोगिता को पहिलो गेम दोहा स्थित अल्साद रङशालामा सम्पन्न समुह "क" को खेलमा जोर्डनलाई ३-० ले परजीत गरेपछि खुशीले कतारी फुटबल खेलाडीहरु। (बाँकी)

साभार ( नेपाल कतार डट कम)

२००६ एसियाड गेम आयोजक कतार ले सबै तयारीका काम पुरा गरिसकेकोछ । कतारको विभिन्न १६ स्थान तथा रंगशालाहरुमा ३९ खेलका ४६ विधाहरु सम्पन्न हुदैछन्  । एसियन गेमलाई ऐतिहासिक र महान बनाउन कतार तनमन ले लागी परेको देखिन्छ ।(बाकी)

दोहा, आगामी दिसेम्बर १ तारिखदेखि दोहामा शुरु हुन गईरहेको १५औ एसियाली खेलकुदमा भाग लिन नेपाली टोली आउने क्रम शुरु भएको छ । (बाकी)

साभारः नेपाल समाचारपत्र

काठमाडौं, उसुकी दशौं साग स्वर्ण विजेता विना लामाले १५ औं एसियाली खेलकुदमा सहभागिता नजनाउने निर्णय गरेकी छन्। (बाकी)

डिसेम्बर १ देखि १५ यहाँ संचालन हुने १५औं एसियाली खेलकुदमा नेपालले मार्सलआर्टखेलहरु कराँते तेक्वान्दो उसु र जुडोबाट पदकको आशा राखेको छ । पछिल्लो पटक तेक्वान्दो कराँते र बक्सिङबाट पाएको सफलताका कारण पनि दोहामा मार्सलआर्ट तर्फ नेपालले आँखा लगाउनु स्वाभाविक हो । करिब आधा दशकअघिसम्म मार्सलआर्टमा दक्षिण एसियाकै शक्तिशाली टिमका रुपमा नेपालले बनाएको छवि लगातार दुई दक्षिण एसियाली खेलकुदमा असफल प्रदर्शनपछि धुमिल भैसकेको छ। (बाकी)